Duke mirëpritur rekomandimet pozitive të Komisionit Evropian për statusin e vendit kandidat, eurodeputeti Eduard Kukan u shpreh gjatë një takimi me kreun e Kuvendit se puna e politikës shqiptare duhet përqendruar në ruajtjen e këtij momenti pozitiv në interes të vendit.

Në këtë kontekst, z. Kukan vuri në dukje rëndësinë e veçantë të Parlamentit si institucioni ku zhvillohet dialogu politik mes palëve.

Ndërsa Meta në takimin me Eurodeputetët Anëtarë të Komitetit Parlamentar të Stabilizim Asociimit BE-Shqipëri të kryesuar nga z. Eduard Kukan, vlerësoi mbështetjen e vazhdueshme të Parlamentit Evropian ndaj Shqipërisë. Meta garantoi eurodeputetët se fokusi i punës së Kuvendit do të jetë krijimi i një dialogu dhe bashkëpunimi konstruktiv, permes gjithëpërfshirjes dhe konsultimeve të hapura më të gjithë aktorët parlamentarë, institucionet e pavarura, shoqërinë civile dhe grupet e interesit. /albeu.com/