Merr zgjidhje furnizimi me ujë të pijshëm i dy lagjeve të ndryshme në kryeqytet
Dy lagje të tjera në kryeqytet kanë marrë zgjidhje për furnizimin me ujë të pijshëm. Bashkia e Tiranës ka përfunduar investimin për ndërtimin e rrjetit të ri të ujësjellësit në rrugën “Petro Nini Luarasi”, pranë “Shkollës së Baletit”.

Punimet për këtë zonë u finalizuan me një ritëm të shpejtë për të rritur ndjeshëm kapacitetin e transmetimit dhe cilësinë e shërbimit ndaj qytetarëve.

Paralelisht ekipet e punës riparuan menjëherë defektin në rrjetin e kanalizimeve në rrugën “Bardhok Biba”. Me bashkëpunimin e ngushtë të qytetarëve, Bashkia përfundoi me shpejtësi riparimin e defektit të shfaqur.

Për çdo shqetësim, Bashkia e Tiranës ka vendosur në shërbim të qytetarëve numrin e gjelbër 08004488, i cili qëndron në dispozicion 24 orë në 24.
Shtuar më 21/12/2018, ora 11:25

Shkruani komentin tuaj!
Të fundit nga kjo kategori