Nëse menduat se aksioni ndaj pusëve të ujit ishte diçka e fryrë nga media, e keni pasur gabim.

Kjo për shkak se nga 1 shkurti i këtij viti, në të gjithë Shqipërinë nis aksioni i gjerë për ndërprerjen e lidhjeve të jashtëligjshme të ujit.

Dhe në këtë nismë përfshihen edhe puset e familjeve apo bizneseve.

"Duhet kujtuar që 1 shkurti është data kur do të nisë aksioni derë më derë dhe çdo ndërhyrje do të penalizohet, sikundër e parashikon ligji"- është shprehur Bonati.

Në Kuvend kanë mbërritur ndryshimet e ligjit për burimet ujore, ku propozohet që të gjithë ata qytetarë që kanë hapur puse për shfrytëzimin e ujërave nëntokësore t’i formalizojnë, pra me pak fjalë të vendosin matësa.

Dhe për të vendosur matësat në puse ka vetëm 6 muaj afat në rast të kundërt, qytetarët apo bizneset që i shfrytëzojnë ato në formë informale do të gjobiten. /albeu.com/