Interesi kryesor i politikave europiane për menaxhimin e integruar të mbetjeve është orientimi drejt riciklimit dhe jo drejt groposjes së tyre. Kështu është shprehur ministri i Mjedisit Fatmir Mediu i cili ka propozuar nisjen e investimeve konkrete për vijuar praktikat evropiane.

Administrimi i mbetjeve është përgjegjësi e bashkive dhe komunave, bashkëpunimin e të cilave ashtu sikurse atë të shoqërise civile dhe të qytetarëve Ministri i Mjedisit Fatmir Mediu e ka kërkuar për të ngritur infrastrukturën e posaçme që kjo çështje e rëndësishme për rritjen e cilësisë së jetës së qytetarëve të vendoset në rrugën e duhur.

Sipas Mediut ligji për mbetjet është në përputhje me direktivat e Bashkimit Europian. /albeu.com/