Shiste kokainë në parkingun e një supermarketi, arrestohet 32-vjeçari shqiptar në Itali

Një 32-vjeçar shqiptar është arrestuar nga policia italiane me akuzën e shpërndarjes së drogës.

Operacioni “Déjà vu” i karabinierëve të Isola del Lirit, me bashkëpunimin e kolegëve nga Monte San Giovanni Campano, çoi në arrestimin e 32- vjeçarit.

Veçanërisht, ditët e fundit, një nga ushtarët, teksa ndodhej në një supermarket në zonën e Montit, vuri re shqiptarin, i cili në parkingun e supermarketit, kishte një qëndrim të çuditshëm pranë makinës së tij. Ai u takua me një person tjetër, i cili menjëherë pas përfundimit të takimit hipi në një automjet dhe u largua.

Pas kontrollit të makinës, policia  gjeti 19 doza kokainë dhe 00 euro në kartëmonedha të prerjeve të ndryshme.

Gjithashtu në shtëpinë e shqiptarit, nën mbushjen e divanit, ushtarakët kanë gjetur mbi 3000 euro, të cilat dyshohet se janë të ardhura nga aktiviteti kriminal.

Shqiptari u arrestua dhe është në pritje të masës së sigurisë./Albeu.com/


Shtuar 23.05.2023 14:41