"Më tha po dal të pi kafe me një shok", zbardhet dëshmia e nënës së 17 vjeçares
Kanë kaluar tre ditë nga gjetja e trupit të pajetë të 17 vjeçares Enisa Dodës në plazhin e Velipojës, teksa e ëma ka dëshmuar se i kishte kërkuar leje për të pirë kafe me një shok.

Nëna ka pranuar se i ka dhënë leje të bijës, pa dhënë detaje të tjera lidhur me raporton me 25-vjeçarin.

“Vajza më ka thënë mua se po dal të pi kafe me një shok dhe unë i kam thënë në rregull”, është shprehur ajo.

Ndërkohë Indrit Bajraktari ende nuk ka folur para grupit hetimor, duke deklaruar se do të flasë para gjykatës.

Në momentin e arrestimit, ai i ka qëndruar të njëjtës alibi si në përgjigjen ndaj punonjësve të pikës së dhënies me qira të motorëve të ujit se vajzën e kishte lënë në breg me xhaxhain e saj.

Ditën e djeshme albeu.com mësoi se Bajraktari është i martuar në Angli dhe do të bëhet baba.
Shtuar më 22/08/2020, ora 13:33

Shkruani komentin tuaj!
Të fundit nga kjo kategori