Ditën e sotme Saimir Tahiri është paraqitur në Gjykatën e Krimeve të Rënda.

Gjatë seacës pritet riverifikimi i masës së sigurisë si dhe pritet që ish-ministri të merret në pyetje për provat e reja në lidhje me të.

Ai është shoqëruar nga policia me pranga në duar dhe u është shmangur gazetarëve që prisnin t'i merrnin një deklaratë për mediat.

Gjyqtare e seancës do të jetë Liliana Baku.

Por kush Liliana Baku e cila vendosi arrest shtëpie për ish-ministrin?

Ajo është Liljana Baku,një emër shumë i njohur për drejtësinë në Shqipëri.

Baku është gjykatësja e cila dha vendimin edhe për bllokimin e pasaportave të Tahirit si dhe kontrollin e banesës së ish-ministrit.

Por jo vetëm kaq.

Baku ishte gjykatësja e cila la në burg Orest Sotën, në makinën e së cilit u gjetën 863 mijë euro si dhe dy patentat lundrimi në emër të Tahirit.

Gjyqtarja Baku, refuzoi lirimin e Sotës pas garancisë pasurore të ofruar nga i ndaluari i cili më vonë fitoi lirinë pasi e ankimoi vendimin në Apel.

Liljana Baku ka qenë edhe në çështje e "Xibrakës", kur i refuzoi lejen për të kaluar festat e fundvitit me familjen Ermal Hoxhës, nipit të ish-diktatorit Hoxha. /albeu.com/