13 tetor, Meta cakton datën re të zgjedhjeve lokale (VIDEO)
"Më ofruan 500 mijë euro...", kandidati tregon si u bë pjesë e "Kurbanit" të Ramës
Kujtim Gjuzi, kryetar i Partisë Konservatore, i cili është vënë në qendër të vëmendjes ditët e fundit, nëse do të pranojë apo jo mandatin.

Gjuzi, i cili renditej i 19-ti në listën e deputetëve në Durrës ka hedhur akuza në drejtim të Bashës, duke thënëse mban rreth vetes këshilltarë servila.

‘’Ne e kemi parashikuar që para zgjedhjeve të 2017-tës që do të vidheshin rreth 24 mandate, ia kemi thënë këtë dhe Lulzim Bashës, që të mblidhte koalicionin, që të merrte vendimin si do të vijohej më tej. Bashës i kërkova të mos njihte rezultatin e zgjedhjeve, pasi ishin të blera. Sali Berisha është i vetmi që merr vendime të qarta, Basha ka afër këshilltarë servilë që dëmtojnë opozitën”, u shpreh Gjuzi.

Ndërkohë lidhur me pyetjen e drejtëpërdrejtë nëse do ta pranojë mandatin Gjuzi tha që është më mirë që ta marrëe partia e tij që është e djathtë sesa Gjergj Bojaxhiu, shkruan faxweb.

‘’53% e qytetarëve sot në Tiranë thonë se pse mandatin e PD-së ta marrin socialistët, si psh ai Bojaxhiu, që lyen shtëpitë. Shumica e kryetarëve të partisë në rrethe kanë votuar që unë duhet që ta marrë mandatin. Nëse strukturat e Partisë Konseveratore vendosin pro, unë do të pranoj mandatin që do të mbetet nga PD.

Partia Konservatore do ndryshim në kodin zgjedhor, ne njohim vetëm votën e lire. PD nuk e ka mbledhur koalicionin që në maj 2018, Rama ti hapë rrugë qeverisë tranzitore me akademikë. Berisha ishte i intimiduar nga Rama kur ndryshoi kodi zgjedhor, pres një takim me Berishën për të marrë vendime serioze. Monika Kryemadhi nuk mund të marrë vendime, askush nuk mund të blejë mbiemrin tim”, u shpreh më tej Gjuzi.

”Lulzim Basha nuk më ka hapur telefonin, tani as unë nuk ia hap. I bëj thirrje doktor Berishës të marrë fatet në dorë”, tha më tej Gjuzi, teksa shtoi se eshte ne pritje te nje takimi me Berishen.

‘’Më janë ofruar 500 mijë euro që të hyja në zgjedhjet e 2017-tës dhe nuk pranova, zoti Gjuzi tashmë që flet me juve është me 1 mijë lekë të reja në xhepat e tij, por ama janë të mijat. Nuk kam pranuar asnjëherë para”, tha më tej Gjuzi.

Kreu i Partisë Konservatore tha më tej se ka marrë dhe kërcënime ditët e fundit, po nuk pranoi të bënte public se kujt krahu politik i përkisnin.

Një histori e veçantë që tregoi Gjuzi në Fax News ishte dhe fakti se ai është personazh i librit Kurban të Edi Ramës, për shkak se i kishte bllokuar lejet e ndërtimit kur ishte në krye të inspektoriatit.

‘’Unë jam personazhi me mustaqe te libri Kurban i kryeministrit Rama”, tha Gjuzi ndwr tw tjera. /albeu.com/
Shtuar më 04/03/2019, ora 15:37
Shkruani komentin tuaj!
Të fundit nga kjo kategori