Aksidentoi një grua dhe u largua nga vendngjarja, arrestohet 50-vjeçari në Vlorë

Një 50-vjeçar ka rënë në prangat e policisë në Vlorë, pasi aksidentoi një 60-vjeçar e cila ndodhet në spital, jashtë rrezikut për jetën.

Drejtuesi i automjetit, shtetasi A. M, u largua nga vendi i aksidentit, por u kap më pas nga policia. Ndaj tij rëndojnë veprat penale “Shkelja e rregullave të qarkullimit rrugor” dhe “Largimi nga vendi i aksidentit”.

Njofimi i policisë: 

 

 

Specialistët e Qarkullimit Rrugor në DVP Vlorë bënë arrestimin e shtetasit A. M., 50 vjeç, banues në Vlorë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.

Ky shtetas, në rrugën “Ali Demi”, duke drejtuar automjetin tip “Citroen”, ka aksidentuar këmbësoren, shtetasen V. H., 60 vjeçe, e cila aktualisht ndodhet në spitalin e Vlorës, jashtë rrezikut për jetën.

Drejtuesi i automjetit, shtetasi A. M, është larguar nga vendi i aksidentit, por u kap më pas nga shërbimet e Policisë. /albeu.com


Shtuar 11.01.2023 19:55