“Portugezët pështyjnë në pjatën që ushqehen”, motra e Ronaldos sulmon ashpër bashkëkombasit e saj

Është e qartë që Cristiano Ronaldo është duke kaluar momentin më të vështirë në karrierë, si me klubin dhe me kombëtaren.

Pas ndeshjes së humbur përballë Spanjës ku Ronaldo ishte në fushë dhe nuk bindi, kanë vërshuar kritikat ndaj tij edhe pse ai është një ikonë e kombëtares dhe vendit të tij.

Në këtë moment të vështirë, në krah atij i ka dalë motra e tij, Katia Aveiro, e cila nuk ngurron t’i sulmojë ashpër bashkëkombasit e saj që kritikojnë vëllanë.

“Ronaldo është i qetë sepse gjithnjë në krahun e tij do të ketë familjen dhe ata që e duan. Pavarësisht gjithçkaje, njerëzit që e vlerësojnë do të jenë aty për Ronaldon. Portugezët janë mësuar që të “pështyjnë në pjatën që ushqehen”, dhe mua nuk më surprizojnë kritikat e tyre.

Kjo është arsyeja pse kur dikush ngrihet nga zero dhe prek majën më të lartë, apo ndryshon mentalitetin, ata shqetësohen dhe nuk e pranojnë. Unë do të jem gjithmonë përkrah teje, Mbreti im”, përfundon reagimin e saj Katia./albeu.com