Me 7 Kg eksploziv, si IKMT do të prishë oxhakun në Fushë-Arrëz
Inspektorati Kombëtar i Mbrojtjes së Territorit do të prishë nesër me shpërthim të kontrolluar një objekt (oxhak) në Fushë-Arrëz.

Operacioni i IKMT do të kryhet pas kërkesës për mbështetje nga Bashkia e Fushë-Arrëzit. Objekti, rreth 40 metra i lartë, ndërtuar me tullë, pjesë përbërëse e objektit industrial ndërtuar para viteve ‘90, për shkak të amortizimit paraqet rrezikshmëri.

IKMT për realizimin e shpërthimit ka hapur në trupin e objektit 100 furnela (vrima) dhe do të përdorë rreth 7 kilogramë eksploziv. Operacioni do të kryhet nesër rreth orës 12.00.
Shtuar më 20/03/2019, ora 12:42
Shkruani komentin tuaj!
Të fundit nga kjo kategori