Mbyllja e universiteteve, MAS fiton betejën ligjore me një tjetër ankimues
Pëlqej
Gjykata Administrative e Shkallës së Parë, ka rrëzuar kërkesën e shkollës së lartë private “Universiteti Planetar i Tiranës”, për pezullimin e vendimit të Këshillit të Ministrave nr.539, datë 06.08.2014 “Për heqjen e licencës disa institucioneve privatearsimit të lartë”, me anë të të cilit i është hequr licenca këtij institucioni.

Në përfundim të gjykimit, kjo gjykatë vendosi se kërkesa “Planetarit” është e pabazuar në ligj dhe në prova, ndërsa vendimi i Këshillit të Ministrave, është një akt i bazuar në Kushtetutë dhe në kuadrin ligjor për Arsimin e Lartë.

Kërkesa e Shkollës së Lartë Private “Universiteti Planetar i Tiranës”, për pezullimin e vendimit për heqjen e licencës, u bë menjëherë pas vendimit të propozuar nga Ministria e Arsimit për mbylljen e disa universiteteve publike dhe private, që nuk i plotësonin standardet.

Ministria e Arsimit dhe Sportit pas kontrollit të bërë, propozoi vendimin për mbylljen e 18 universiteteve private, ndërkohë që 13 universitete të tjera janë pezulluar deri në një vendim të dytë. /albeu.com/
Shtuar më 23/08/2014, ora 16:12
Shkruani komentin tuaj!
Të fundit nga kjo kategori