Është mbyllur dosja hetimore ndaj dhëndrit që vrau vjehrrin, ngjarje e ndodhur në 17 maj të këtij viti në zonën e Kasharit, në Tiranë.

Prokuroria e Tiranës ka përfunduar hetimet dhe ka dorëzuar për hetim në gjykatë me "akuzën e vrasjes", dosjen hetimore ndaj Altin Sulkut, i akuzuar për vrasjen e vjehrrit të tij Lutfi Xhaferri dhe plagosjen e vjehrrës, Naime Xhaferri.

Naime Xhaferri është dëshmitarja kyçe në këtë proces. Në dëshminë e dhënë në prokurori ajo ka deklaruar se në datën 17 maj, Sulku u ka dalë përpara dy bashkëshortëve, duke i akuzuar se kanë qëlluar me armë te shtëpia e tij një natë më herët.

Nën hetim është edhe babai i Altinit, Skënder Sulku. Ky i fundit po hetohet në gjendje të lirë për akuzën e "armëmbajtjes pa leje". /albeu.com/