Policia ka vënë në pranga një 54 vjeçar i cili kërcënoi gruan se do e vriste me armë zjarri.
B.L.,54 vjeç banues në Dragushë të Lezhës dhunonte fizikisht dhe psikilogjikisht bashkëshorten e tij, por ka qenë kjo e fundit që lajmëroi Policinë ditën e djeshme.
Policia e arrestoi 54- vjeçarin dhe i sekuestroi armën e zjarrit tip ’Pushkë’ me 19 fishekë. Vetëm për armëmbajtje pa leje dënimi i një personi parashikohet deri në 7 vite burg.
NJOFTIMI I POLICISË
Policia parandalon një ngjarje rë rëndë kriminale në familje
Ushtronte dhunë fizike dhe psikologjike ndaj bashkëshortes dhe e kërcënonte se do ta vriste por arrestohet në flagrancë nga Policia
Sekuestrohet një armë zjarri dhe municion luftarak
Specialistët e Seksionit për Hetimin e Krimit në Komisariatin e Policisë Lezhë arrestuan në flagrancë shtetasin B. L.,54 vjeç, banues në Dragushë, Lezhë
Ky shtetas në banesë, në mënyrë sistematike ushtronte dhunë fizike dhe psikologjike ndaj bashkëshortes së tij duke e kërcënuar se do ta vriste me armë zjarri, e cila mbrëmjen e djeshme ka njoftuar Policinë.
Shërbimet e Policisë kanë shkuar menjëherë në banesën e shtetasit B.L., ku gjatë kontrollit gjetën dhe sekuestruan një armë zjarri tip “Pushkë” dhe 19 copë fishekë
Materialet i kaluan Prokurorisë së Rrethit Gjyqësor Lezhë në ngarkim të shtetasit të lartpërmendur për veprat penale “Dhunë në familje” dhe “Armëmbajtje pa leje”, ku me ndryshimet e fundit në Kodin Penal, mbajtja e armëve në automjete,në banesë apo në mjedise publike, pa lejen e organeve kompetente shtetërore, dënohet me burgim deri në 7 vjet.
