Mbledhja e KQZ-së, Biba i përgjigjet Blushit: Po reagoni për t’i bërë publicitet vetes
Është mbledhur Komisioni Qëndror i Zgjedhjeve për të diskutuar mbi udhëzimin për regjistrimin e partive politike për zgjedhjet parlamentare të 18 qershorit.

Por diskutimi për rregjistrimin e partive politike është kërkuar që të shtyhet pas pretendimeve të partisë më të re LIBRA dhe kryetarit të saj Blushi se po lihen jashtë zgjedhjeve.

Një nga anëtarët e KQZ Hysen Osmani ka kërkuar që të shtyhet diskutimi për këtë çështje pasi nuk janë të qartë ndërkohë, kreu i këtij komisioni, Denar Biba theksoi se ka një nxitje për ketë ndryshim nga zgjedhjet e fundit, ndërsa shtoi se duhet të reflektohen rekomandimet e OSBE-ODHIR.

Biba në këtë mënyrë I ka kthyer përgjigje edhe Blushit duke shtuar se reagimi i partive të vogla bëhet për t’i bërë publicitet vetes.

E menjëhershme ishte replika e nr.2 të LIBRA-s, deputetes Mimoza Hafizi. Hafizi iu drejtua Bibës se për cilat parti të vogla e ka fjalën. “Kjo pikë të shqyrtohet, neni mos të miratohet. KQZ nuk mund t’i ndajë partitë në të mëdha e të vogla”, tha Hafizi. /albeu.com/
Shtuar më 16/02/2017, ora 11:32

Shkruani komentin tuaj!
Të fundit nga kjo kategori