MB mundësi të reja për marrjen sa më shpejtë të pasaportës biometrike
Pëlqej
Ministria e Brëndshme në Tiranë informoi sot të gjithë qytetarët në lidhje me prodhimin e përshpejtuar të pasaportave biometrike. Sipas Ministrisë, duke filluar nga dita e hënë, datë 8 Nëntor 2010, kompania "Aleat" do të ofrojë për qytetarët shqiptarë shërbimin e ri të prodhimit të përshpejtuar të pasaportës biometrike.

Të gjithë të interesuarit për një shërbim të tillë mund të blejnë kundrejt shumës 15 mijë lekë të reja kuponat për proçesin të përshpejtuar të pasaportës biometrike në zyrën qendrore postare të Tiranës dhe në zyrën postare të njësisë bashkiake nr:3 në Tiranë.

Aplikimi u mundësohet të gjithë shtetasve të Republikës së Shqipërisë, por do të kryhet vetëm pranë zyrave të "Aleat" në njësitë bashkiake 3, 4 dhe 10 të Tiranës. Nëse shtetasi aplikon deri në orën 11:00 pasaporta do të prodhohet Brenda dy ditëve. Nëse shtetasi aplikon pas orës 11:00 pasaporta do të prodhohet për tre ditë.

“Pasaportat e prodhuara në mënyrë të përshpejtuar do të mund të tërhiqen nga qytetarët çdo ditë në orën 16:00 në Drejtorinë e Policisë së Qarkut Tiranë”, theksoi Ministria. (albeu.com)
Shtuar më 06/11/2010, ora 12:26
Shkruani komentin tuaj!
Të fundit nga kjo kategori