Mazhoranca rrëzon dekretin e Nishanit për Ligjin e Gjykatës së Lartë
Komisioni i Ligjeve hedh poshtë dekretin e Presidentit Bujar Nishani, për ligjin e funksionimit të Gjykatës së Lartë.

Ligji i kthyer në Kuvend nga Kreu i Shteti, shkaktoi debate mes palëve në mbledhjen e zhvilluar në orët e pasdites së sotme.

Deputetët e mazhorancës kërkuan rrëzimin e dekretit, ndërsa opozita u ka kujtuar kolegëve se janë të detyruar nga marrëveshja e nënshkruar sëbashku që ta miratojnë me konsensus këtë ligj.
Kreu i Komisionit të Ligjeve, Fatmir Xhafaj tha se ligji s’ka lidhje me reformën në drejtësi. Sipas tij nuk duhet mendimi i Komisionit të Venecias për çdo ligj.

Me 9 janar 2015, Presidenti Bujar Nishani ktheu për rishqyrtim në Kuvend disa shtesa dhe ndryshime në ligjin “Për organizimin dhe funksionimin e Gjykatës së Lartë” i miratuar në parlament në muajin dhjetor, duke i cilësuar ndryshimet në shkelje të Kushtetutës dhe në cënim të kompetencave të tij.

Gjithashtu në dekret Presidenti thekson se ligj i kaluar në mënyrë të përshpejtuar, nuk i shërben qëllimit për të cilin u draftua dhe për më tepër krijon një imazh negativ para partnerëve ndërkombëtarë referuar pritshmërive të tyre sa i takon reformës në drejtësi.
Shtuar më 26/01/2015, ora 19:29

Shkruani komentin tuaj!
Të fundit nga kjo kategori