Komisioni i Ligjeve miraton rezolutën për punën e Komisionit Qendror të Zgjedhjeve për vitin 2011. Opozita e pranishme në mbledhje ka votuar kundër projekt/rezolutës, duke e cilësuar atë si në kundërshtim me ligjin.

Sipas deputetit të PS-së, Damian Gjiknuri, raporti nuk ka kuptim në kohën që vetë kreu i KQZ Arben Ristani nuk erdhi të raportonte.

Ai ka theksuar se në rezolutë nuk është i përfshirë edhe raporti i OSBE-së për cilësinë e zgjedhjeve ndërsa ka shtuar se askush nuk është ndëshkuar për shkatërrim zgjedhjesh.

Ndërsa kryetari i komisionit të ligjeve Ilir Rusmajli ka theksuar se rezoluta e KQZ-së synon të ketë një gjuhë të ekuilibruar.