Masakra e Devollit, vetedorezohet autori Besim Karaj
Albeu.com
Vetëdorëzohet në komisariatin e Fushë Krujës, Besim Karaj autori i vrasjes së tre vëllezërve Mulliri. Policia kishte informacione për vendodhjen e Besim Karaj në zonën midis Lacit dhe Lezhë, ku dhe ishin shtuar forcat e policisë në këtë zonë.
Ndërkohë sot rreth orës 15. 20 minuta, Besim Karaj është paraqitur pranë forcave të Policisë në Fushë Krujë ku dhe është vetëdorëzuar duke pranuar vrasjen e tre vëllëzërve Mulliri në Vidohovë të Korcës. Lajmin e konfirmon policia e Korcës.

Ngjarja e rëndë ndodhi ditën e premte ku autori Besim Karaj ekzekutoi me armë zjarri 3 vëlllezërit Mulliri. Sipas policisë, 23-vjeçari Taulant Mulliri kishte një lidhje jashtëmartesore me gruan e Besim Karajt. Para dy muajsh, Karaj e kishte kapur në flagrancë Taulantin me të shoqen në shtëpinë e tij. Pas një zënkë me fjalë, ata i kishin sheshuar mosmarrëveshjet. Besimi ia kishte falur të shoqes ‘mëkatin’. Por, me kalimin e kohës, duke parë që në fshat pëshpëritej që Besimi nuk është burrë, si ia fali gruas tradhtinë, etj, akumuluan tek 45-vjeçari ndjenjën e hakmarrjes. Kjo ndjenjë hakmarrjeje shpërtheu mesditën e së premtes, duke çuar në një ngjarje të rëndë që do të mbahet mend si masakra e Vidohovës.
Shtuar më 01/02/2010, ora 22:04
Tage: arkiv
Shkruani komentin tuaj!
Të fundit nga kjo kategori