Masakra e Beratit, si u hakmor Altin Dardha për vrasjen e babait
Gëzim Kasemi, anëtari i bandës së Altin Dardhës në Berat, i akuzuar për pjesëmarrjen në vrasjen e katër personave, është arrestuar në Itali.

Arrestimi i Kasemit, është realizuar me qëllim ekstradimin e tij në Shqipëri, ku do të vuajë dënimin e mbetur prej 3 vitesh, 1 muaj dhe 28 ditë për veprën penale të vrasjes së shumëfishtë me paramendim dhe posedim të paligjshëm të armëve luftarake.

Sipas hetimeve të policisë shqiptare, i arrestuari është pjesë e bandës së Altin Dardhës dhe është përgjegjës për vrasjen e katër njerëzve dhe plagosjen e dy të tjerëve, të gjithë me kombësi shqiptare, të kryer më 25 shkurt 1998, në Berat, e njohur ndryshe dhe si masakra e “Urës Vajgurore”.

Kasemi, së bashku me personat e sipërpërmendur, kanë ekzekutuar katër burrat në një bar-restorant, teksa ishin ulur në një tryezë.

Vrasja e katërfishtë Për hakmarrjen e babait

Altin Dardha ishte një djalosh, që i futi tmerrin Beratit dhe nuk kurseu askënd që i doli përpara. Gjykata e Tiranës në 2011 ka hedhur dritë mbi masakrën e 25 shkurtit 1998, ku në shenjë hakmarrjeje, Altin Dardha ndoqi këmba-këmbës dhe së bashku me “ushtarët” ekzekutoi Burhan Tomorrin, të cilin e akuzonte për vrasjen e babait të tij. Breshëria e plumbave u mori jetën dhe tre personave të tjerë e dy mbetën të plagosur. “ Tmerri” i Beratit ia doli t’i mbijetonte policisë, por pak ditë më vonë ekzekutohet në Janinë, Greqi. Ndërkaq, njëri prej “ushtarëve” të tij, Altin Isufi u ekzekutua pak minuta pas krimit, në përplasje me policinë. Gëzim Kasemi, në atë kohë u prangos në mes të pyllit i gjakosur dhe sipas verdiktit të drejtësisë, ai do të qëndronte çerek shekulli në burg, pasi është cilësuar si një nga autorët e masakrës së shkurtit 1998. Më poshtë po botojmë vendimin e gjykatës së Tiranës që cilësoi fajtor dhe dënoi Gëzim Kasemin, ku ndër të tjera zbardhet dhe mënyra sesi Altin Dardha organizoi krimin makabër për t’u hakmarrë për gjakun e të atit, por ndërkaq nuk harronte t’u thoshte me zë të lartë se “nuk keni punë me policinë”.

Masakra e 25 shkurtit

Treshja gjykuese fillimisht shpjegon gjithçka ka ndodhur në Berat më 25 shkurt 1998. Në vendimin e gjykatës thuhet: I pandehuri Gëzim Kasemi dhe shtetasit Altin Dardha, Altin Isufi si dhe i dënuari Agron Bilali, gjithashtu dhe viktimat Burhan e Abdurrahman Tomorri, Behar Eskiu e Kastriot Bejko, të dëmtuarit Ramadan Eskiu e Vlash Shkurti, kanë qenë banorë të qytetit të Beratit në vitin 1998. Më datë 25.02.1998, tek lokali i V. Veliajt, lagjja “ 30- vjetori”, pranë stadiumit të futbollit të qytetit të Beratit janë vrarë me armë zjarri Burhan e Abdurrahman Tomorri, Behar Eskiu e Kastriot Bejko, si dhe është tentuar të vriten Ramadan Eskiu e Vlash Shkurti. Për shkak të numrit shumë të madh të të shtënave, në vendngjarje janë nisur forca të shumta policie. Nga informacionet e marra në rrugë operative është rënë në dijeni të faktit se vrasjet dhe tentativa e vrasjes së personave të lartpërmendur është kryer nga një grup i armatosur prej katër personash, i drejtuar nga Altin Dardha.

Përgatitja për vrasjen

Viktima Burhan Tomorri kishte pasur një konflikt me Altin Dardhën, për shkak të vrasjes së të atit të shtetasit Altin Dardha dhe për pasojë, mes tyre ekzistonte një armiqësi e hapur. Ky i fundit për këtë shkak ka përgatitur vrasjen e Burhan Tomorrit. Për arritjen e këtij qëllimi Altin Dardha ka bashkëpunuar me të pandehurin Gëzim Kasemi, si dhe me Altin Isufin dhe Agron Bilalin. Gjithashtu, Altin Dardha së bashku me personat e mësipërm kanë marrë masat e nevojshme, kanë siguruar armët e zjarrit dhe mjetet e tjera të nevojshme, kanë kontrolluar lëvizjet e viktimës dhe kanë përgatitur planin për kryerjen e vrasjes. Autorët e kësaj ngjarjeje të rëndë kanë përdorur për kryerjen e veprave penale të mësipërme një automjet tip “ Ford” me targa TR 7108 A.

Në këtë automjet kanë siguruar një sërë sendesh vetjake që kanë shërbyer për fjetje dhe ushqim, kanë siguruar maska si dhe armët e zjarrit, municionin, me të cilat do të kryhej vrasja. Ditën e ngjarjes, më datë 25.02.1998, rreth orës 10: 00, pasi janë informuar për vendndodhjen e viktimës Burhan Tomorri, shtetasi Altin Dardha së bashku me të pandehurin Gëzim Kasemi, si dhe Altin Isufin e Agron Bilalin, kanë shkuar në vendin e ngjarjes dhe pasi kanë zbritur nga automjeti tip “ Ford” me targa TR 7108 A, kanë qëlluar secili me armë zjarri me breshëri në drejtim të viktimës Burhan Tomorri. I pranishëm në këtë moment nuk ka qenë vetëm viktima Burhan Tomorri, por kanë qenë edhe Abdurrahman Tomorri, Kastriot Bejko, Behar Eskiu, Ramadan Eskiu dhe Vlash Shkurti. Abdurrahman Tomorri, Kastriot Bejko dhe Behar Eskiu, si rezultat i breshërive të predhave kanë gjetur vdekjen, ndërsa Ramadan Eskiu dhe Vlash Shkurti kanë pësuar dëmtime të shkaktuara me armë zjarri.

I pandehuri Gëzim Kasemi së bashku me autorët e tjerë të ngjarjes, pasi kanë qëlluar në drejtim të personave të mësipërm,duke përdorur automjetin tip “ Ford” me targa TR 7108 A, me shpejtësi janë larguar në drejtim të lagjes Uznovë, në dalje të qytetit të Beratit. Në udhëtim e sipër në vendin e quajtur te “lokali i fiqve”, autorët e ngjarjes kanë lënë automjetin me targa të Tiranës dhe aty Altin Dardha ka marrë automjetin tip “ Toyota” me targa të Beratit, të shtetasit R. Qose, dhe më pas kanë udhëtuar në drejtim të fs- hatit Vodicë. Në fshatin Vodicë, Altin Dardha ka marrë nën kërcënimin e armës automjetin e shtetasit Ferdinand Kalemi, të cilin e ka detyruar që të ecë në drejtim të luginës së përroit të fshatit Vodicë, në drejtim të fshatit Bogdan. Për shkak të terrenit të vështirë automjeti i drejtuar nga Ferdinand Kalemi nuk ka mundur të ecte më tej dhe aty autorët e ngjarjes janë larguar duke vrapuar. Duke qenë se vendi i ngjarjes është shumë afër vendndodhjes së Drejtorisë së Policisë së Qarkut, punonjësit e policisë janë vënë në ndjekje të autorëve. Gjatë ndjekjes, Altin Isufi si rezultat i operacionit të policisë ka gjetur vdekjen, Agron Bilali hatit Bogdan, Altin Dardha ka flakur pantallonat e tij blu xhins, ku ndodhej një pasaportë me fotografinë e tij, por me emrin Ilia Pando, lëshuar nga Komisariati i Policisë Sarandë. Organi procedues ndaj shtetasit Altin Isufi ka vendosur mosfillimin e procedimit penal për shkak të vdekjes së tij, ndërsa për shtetasin Altin Dardha është vendosur pushimi i hetimeve, pasi ka rezultuar se është vrarë disa ditë pas ngjarjes në Janinë të Greqisë.

Rrëfimi i dëshmitarëve

Përveç provave të shumta shkencore që provonin fajësinë e Gëzim Kasemit, gjykata ka dëgjuar dhe dëshmitë e jo pak personave, mes tyre dhe të mbijetuarve të masakrës. Kështu, G. Musabelliu ka shpjeguar se, ka qenë me detyrë inspektor policie në Komisariatin Berat, krimi ka ndodhur më datë 25 shkurt të vitit 1998, ku ka vdekur Burhan Tomorri dhe disa të tjerë, ngjarjen e ka mësuar në radio. Si punonjës policie është vënë në ndjekje të autorëve të ngjarjes pasi ka marrë dijeni për lëvizjen e tyre për në drejtim të lagjes Uznovë të Beratit. Fillimisht ka lëvizur me një automjet të rastit, më pas me një motoçikletë të punonjësit të policisë Y. S., dhe me mjetin e këtij të fundit ka shkuar deri në dalje të qytetit të Beratit, te një lokal, i quajtur tek “ Fiqtë”, ku ka dëgjuar nga një qytetar se “ na vranë”. Pasi kanë vazhduar rrugën përsëri për në ndjekje të autorëve të ngjarjes, ka arritur edhe shefi i Rendit, Gani Malushi (u ekzekutua nga Agim Pepa në 2004-ën në Durrës) dhe komandanti i repartit me një automjet tip “Tipo” me targa policie. (Report TV)
Shtuar më 04/10/2017, ora 10:24

Shkruani komentin tuaj!
Të fundit nga kjo kategori