Zgjedhjet e ardhshme parlamentare dhe bashkëpunimi i Shqipërisë me Prezencën e OSBE-së në Tiranë kanë qenë tema kryesore të diskutuara në takimin që ministri i Punëve të Jashtme Aldo Bumci zhvilloi sot me kreun e Prezencës së OSBE-së në Tiranë Eugen Wolfarth.

Duke iu referuar angazhimit dhe projekteve të OSBE-së në Shqipëri, Ambasadori Wolfarth vlerëson bashkëpunimin e deritanishëm, duke veçuar progresin e madh që është arritur në realizimin e projektit për shkatërrinin e municioneve dhe armëve të lehta.

Lidhur me angazhimin aktiv të Shqipërisë në kuadër të OSBE-së, Ministri Bumçi theksoi se Shqipëria është e gatshme që të presë në Tiranë konferencën mbi tolerancën, mosdiskriminimin dhe bashkëjetesën, vlera të cilat janë të vyera për popullin shqiptar. /albeu.com/