Një pedofil që më parë është dënuar në Shqipëri duket se nuk ka hequr dorë nga abuzimet, pasi detaje të reja kanë dalë në dritë nga jeta e tij në Angli.
Sipas The Guardian, ai miqësohej me familjet në Carlisle të Anglisë, duke i blerë dhurata fëmijëve, ndërkohë që ata nuk e dinin se ai ishte një abuzues.
Robin Arnold u dërgoi fëmijëve, të gjithë nga një komunitet emigrant afrikan në Carlisle, Cumbria, dhurata dhe ata e quanin atë “Uncle Rob”.
Ai ishte burgosur për përdhunimin e një djali 13 vjeç nga një gjykatë në Shqipëri në vitin 2010, teksa më parë kishte qenë subjekt i një hetimi të Guardian për një skandal abuzimi seksual të fëmijëve në një jetimore misionare të krishterë në Tiranë.
Arnold u ekstradua nga Britania e Madhe për t’u gjykuar në Shqipëri. Një prokuror në gjykatën e kurorës në Carlisle dënoi Arnold në vitin 2010 me 15 vjet e gjysmë burg për përdhunimin e 13-vjeçarit.
Megjithatë ai u lirua nga burgu në vitin 2020 dhe gjatë periudhës së Krishtlindjeve të 2022 dhe në fillim të këtij viti ai filloi të miqësohej me familjet afrikane, emigrante në qytet.
