Ish-truproja i Azem Hajdarit dhe njëkohësisht kryetar i Shoqatës “Azem Hajdari”, Marjan Gryka ka thënë se Edi Rama duhet të mbajë premtimin që ka dhënë, se do të çojë në gjyq Sali Berishën për vrasjen e liderit të dhjetorit dhe për vrasjet në bulevard më 21 janar.

Njëherësh ai është shprehur se i dënuari me burgim të përjetshëm për këtë vrasje, Jaho Mulosmani nuk flet të vërteta në deklarimet mediatike, madje nuk tregon as që ka pasur lidhje me SHIK-un.

Gryka ka thënë për "Shqiptarja.com" se të dyja krahët politikë bashkëpunuan që të vrisnin Azem Hajdarin.

Ai thotë se Ilir Meta e ka në dorë të kërkojë nga Kuvendi inicimin ligjor të zbardhjes së kësaj vrasjeje të shekullit./albeu.com/