Malmstrom përsërit: S'kërkohen para e karta krediti në kufi
Pëlqej
Komisionerja për Çështjet e Brendshme në Bashkimin Europian, Cecilia Malmstrom, ka përsëritur edhe njëherë se qytetarët shqiptarët që do të udhëtojnë pa viza drejt Europës, nuk duhet të tregojnë para ose karta kreditikufi.

Komisionerja ka thënë se qytetarët mund të pyeten në kufi në lidhje me këtë çështje, por shpjegoi se asnjë qytetar nuk ka për detyrim të tregojë paratë apo kartën e kreditit.

“Mund të bëhen sigurisht pyetje kur të arrijnë në kufi, por kjo nuk do të thotë që duhet të kenë me vete dhe të tregojnë një shumë të caktuar parash ose një kartë krediti”, është shprehur Cecilia Malmstrom.

Ajo ka bërë të ditur se pas 15 dhjetorit 2010, qytetarët shqiptarët mund të lëvizin pa viza në Europë, konform kushteve të unionit, dhe vetëm më pasaportat e reja biometrike.

“Qytetarët që duan të përdorin sistemin, duhet të kenë patjetër pasaportat biometrike. Po ashtu duhet të dinë se i jepet mundësia e qëndrimit në Bashkimin Europian vetëm për tre muaj. Nëse qëndrojnë më gjatë, qëndrimi i tyre kthehet në qëndrim të jashtëligjshëm”, tha zyrtarja europiane.
Shtuar më 16/11/2010, ora 14:40
Shkruani komentin tuaj!
Të fundit nga kjo kategori