Makina humb kontrollin, humb jetën shoferi
Një aksident i rëndë ka ndodhur rreth një orë më parë në Orikum. Mësohet se një automjeti tip Ford ka humbur kontrollin dhe ka rënë në një kanal.

Si pasojë ka humbur jetën në vend shoferi, 65-vjeçar.

Ndërkohë, policia ka mbërritur në vendngjarje dhe po punon për zbardhjen e plotë të shkaqeve të aksidentit.

Njoftimi i policisë:

Rreth orës 12:10, në Orikum, në aksin rrugor kryesor si pasojë e humbjes së kontrollit ka dalë nga rruga automjeti tip Ford dhe ka rënë në një kanal.

Si pasojë është dëmtuar rëndë drejtuesi i mjetit shtetasi H. K., 65 vjeç, banues në Orikum, i cili ka ndërruar jetë në vend.

Grupi hetimor po kryen veprimet e mëtejshme për sqarimin e rrethanave të aksidentit.



Shtuar më 10/08/2020, ora 12:41

Shkruani komentin tuaj!
Të fundit nga kjo kategori