Kapiteni Navas ja dedikon trofeun Antonio Reyes

Sevija fitoi sot trofeun e 6-të të Ligës së Europës, duke triumfuar në finale ndaj Interit, me rezultatin 3-2.

Në prononcimin pas ndeshjes, kapiteni i skuadrës spanjolle, bëri një dedikim special, për ish-shokët e skuadrës që nuk jetojnë më si Antonio Rejes dhe Antonio Puerta. Në prononcimin për “Sky Sport”:

“Ky grup e meritonte këtë fitore. Kemi luftuar gjatë gjithë vitin dhe ia dolëm mbanë, pavarësisht situatës së vështirë, që jetuam të gjithë. Ne e kapërcyem atë me një dëshirë të jashtëzakonshme dhe falë mbështetjeve të tifozëve. Fakti që ngrita trofeun si kapiten do të thotë shumë për mua. Ky trofe shkon për miqtë që nuk jetojnë më, si Rejes, ose për ata që po kalojnë momente të vështira. Fitorja është për të. Lotët e Lopeteguit? Ai punon 24 orë në ditë për Sevijan. E meritonte fitoren”, u shpreh Navas.


Shtuar 21.08.2020 21:38