Lypnin bashkë, marokenët grabisin shokun e tyre sirian mes Tiranës
Një ngjarje e paprecedentë raportohet të ketë ndodhur së fundmi në Tiranë.

Raportohet se dy marokenë janë arrestuar nga Policia e Tiranës, pasi sulmuan me thikë një sirian, të cilit më pas i grabitën telefonin, lekët dhe rrobat e trupit.

Burimet bëjnë me dije se dy marokenët janë identifikuar si Hysein Albasari dhe Nouredin Boulan, të cilëve gjatë kontrolleve të kryera nga policia u janë gjetur varëse argjedi, byzylykë dhe një shumë e vogël parash.

I riu nga Siria që ra pre e grabitjes, i cili bëri edhe denoncimin në polici, tha se dy marokenët gjatë ditës lypin, ndërsa natën vjedhin.

Ai i ka treguar policisë se ka hyrë në Shqipëri ilegalisht pak ditë më parë.

I riu sirian tha:

Hyra përmes kufirit me Greqinë gati 15 ditë më parë, në Tiranë kam vetëm 5 ditë.

Ai tregoi se së bashku me dy marokenët kanë lypur në Tiranë, ndërsa flinin kryesisht në godina të braktisura.

Mirëpo, në një ditë kur siriani po bisedonte në telefon me familjen e tij, njëri nga marokenët i vendosi thikën në fyt dhe e grabiti, ndërsa tjetri e goditi me thikë në krah.

Më tej ata i vodhën shumën që kishte prej 14 mijë lekë, telefonin, karikuesin dhe pantallonat thuhet në kërkesën e dorëzuar në gjykatë, përmes të cilës i sugjerohet gjykatës të caktojë arrest me burg për akuzën e grabitjes. /tch
Shtuar më 15/05/2020, ora 21:06

Shkruani komentin tuaj!
Të fundit nga kjo kategori