LSI: Jo hakmarrje politike por reformim të administratës
Lëvizja Socialiste për Integrim shprehu sot shqetësimin në lidhje me strehimin e familjeve rome. Në një konference për shtyp, nenkryetari i LSI-se Petrit Vasili u shpreh se BE pret qendrim dinjitoz nga Shqiperia duke e cilësuar këtë cështje si një nder prioritetet e integrimit të vendit.

“Sot BE-ja pret qëndrim dinjitoz nga Shqipëria pasi kjo çështje është ndër prioritetet e integrimit të vendit. Ne mbeshtesim cdo mundesi qe i jep zgjidhje ketij problemi shume akut”- u shpreh Vasili.


Lidhur me spastrimet në administratë pas ardhjes së qeverisë së re, Vasili u shpreh se nuk do të ketë hakmarrje politike por reformim të administratës.


"Unë refuzoj të përdor termin spastrim pasi s`ka lidhje me filozofinë tonë. Gjithçka që do të vijojë në muajt në vijim do të jetë në zbatim të legjislacionit shqiptar. Hakmarrja nuk është misioni ynë por vënia në eficentë e administratës është misioni ynë. Ne nuk do të pranojmë një administratë që fle. Asnjë nuk do të jetë i rrezikuar nga hakmarrjet politike. Koha e spastrimeve ka mbaruar ne jemi për të ndërtuar një administratë europiane dhe eficente" tha Vasili./albeu.com/
Shtuar më 14/08/2013, ora 13:41
Shkruani komentin tuaj!
Të fundit nga kjo kategori