Mbyllet dera e negociatave për Shqipërinë
Llalla- Grieve: Shqipëria, garanci për luftën kundër kriminalitetit
Prokurori i Përgjithshëm, Adriatik Llalla takoi sot Prokurorin e Përgjithshëm të Mbetërisë së Bashkuar dhe Uellsit, Dominic Grieve. Në takim mes dy prokurorëve është diskutuar mbi forcimin e bashkëpunimit për parandalimin e kriminalitetit shqiptar në Angli, si dhe nevojën e intensifikimit të marrëveshjes dypalëshe.


Dy zyrtarët e lartë janë takuar gjatë punimeve të Konferencës së 18-të të Takimit Vjetor të Prokurorëve të Përgjithshëm, i cili po zhvillohet këto ditë në Moskë.


"Z. Llalla e garantoi Prokurorin e Përgjithshëm britanik se autoritetet e drejtësisë shqiptare do të vijojnë me vendosmëri bashkëpunimin, sidomos në ekstradimin e shtetasve shqiptarë të dënuar ne Angli dhe për të cilët është urdhëruar kërkimi ndërkombëtar, si edhe në transferimin e shtetasve shqiptare, të cilët janë dënuar me vendim të formës së prerë në Britaninë e Madhe dhe në Uells" thuhet ne njoftimin e Prokurorise.

Prokurori i Përgjithshëm britanik vlerësoi bashkëpunimin me autoritetet shqiptare dhe shprehu vendosmërinë e tij për të vijuar forcimin e mëtejshëm të bashkëpunimit me strukturat shqiptare. /albeu.com/
Shtuar më 11/09/2013, ora 12:17
Shkruani komentin tuaj!
Të fundit nga kjo kategori