Kreu i PD-së Sali Berisha ka dalë nga selia blu dhe është nisur drejt Kryeministrisë ku po zhvillohet protesta kombëtare e opozitës së bashkuar.
Krah Berishës shihet dy nënkryetarët e PD-së, Luciano Boçi dhe Oerd Bylykbashki.
Kujtojmë se kjo është protesta e dytë që organizohet nga Partia Demokratike pas asaj të 7 Korrikut. Edhe skenari i këtij tubimi thuhet të jetë i ngjashëm me atë të 7 korrikut, ku disa persona do të mbajnë fjalën në një podium, bashkë me ta edhe ish-kryeministrin Sali Berisha.
Nga ana tjetër policia ka marrë masat për mbarëvajtjen e kësaj proteste.
Një kordon policor është rreshtuar rreth kryeministrisë për të ruajtur distancën mes protestuesve dhe institucionit, ndërkohë janë vendosur profile metalike në hyrje të saj. Forcat e Ndërhyrjes së Shpejtë janë bërë gati në disa pika pranë Kryeministrisë.
Për shkak të protestës janë bllokuar disa rrugë në kryeqytet:
“Bulevardi “Dëshmorët e Kombit”
Sheshi “Nënë Tereza”
Rruga “Ismail Qemali”
Kryqëzimi i rrugës së Elbasanit me rrugën “Ibrahim Rugova”
Rruga “Papa Gjon Pali II”
Bulevardi “Zhan D’Ark”
Bulevardi “Bajram Curri”
Kryqëzimi i Rrugës së Elbasanit me rrugën “Ibrahim Rugova”.