Lirimi i Zukajt/ Juristi: Nuk e vura re vendimin e ekstradimit
Ministri Manjani tha një ditë më parë se nuk i dridhej dora fare për shkarkimin e tre inspektorëve për lirimin nga qelia të një kosovari, e ndërsa juristi i burgut është shprehur se nuk e ka vënë re vendimin e ekstradimit.

Lirimi nga qelia e kosovarit Shaip Zukaj në një kohë kur ndaj tij ekzistonte një vendim gjykatë për lënien në burg me qëllim ekstradimin në Kosovë, ka sjellë arrestimin e juristit të burgut “Shën-Koll” Devis Hoxha dhe shkarkimin e tre inspektorëve të SHKB Petrit Hysa, Leart Tice dhe Marsida Meqemeja.

Për shkarkimin e këtyre tre të fundit, ka qënë ministri i Drejtësisë, Ylli Manjani, ai që ka marrë vendimin, ndërkohë për arrestimin e juristit të burgut ka qënë drejtuesi i prokurorisë, ai që ka urdhëruar ndalimin e tij.

Burime pranë prokurorisë së Lezhës, thanë për gazetën “Shqiptarja.com” se juristi është ndaluar pasi është konstatuar se në dosjen personale të të dënuarit Shaip Zukaj, ndodhej një vendim gjykate i cili urdhëronte që Zukaj të ekstradohej në Kosovë, pasi ishte dënuar për vrasje në Kosovë. /albeu.com/

Shtuar më 24/05/2016, ora 09:16

Shkruani komentin tuaj!
Të fundit nga kjo kategori