Nuk është pjesë e planeve të Benitez, James drejt Milanos

“Dua të luaj në Serie A”, u shpreh James Rodriguez dhe Milani po punon për t’ia realizuar dëshirën. Fantazisti kolumbian është një nga objektivat e kuqezinjve për postin e lënë bosh nga Hakan Calhanoglu.

30-vjeçari ka qenë afër kalimit te Napoli më parë, por tani duket sikur ka ardhur momenti të provojë më në fund emocionet e futbollit italian. Gazetari kolumbian, Pipe Sierra zbulon të fundit rreth situatës së lojtarit të Everton

Klubi i Premier League do të marrë javën e ardhshme një ofertë prej 10 milion eurosh + bonuse nga Milani. Kalimi në “San Siro” duhet shoqëruar me një ulje rroge nga lojtari, dhe me këtë gjë po punon agjenti Jorge Mendes.

Për James Rodriguez ka interesim edhe nga Porto, por dëshira e madhe e lojtarit ofensiv (80 ndeshje dhe 23 gola me Kolumbinë) është transferimi tek ekipi i Stefano Piolit.

 

? EXCLUSIVA: #Everton ya sabe que #ACMilan lanzará una oferta por James Rodríguez (30) la próxima semana.

?⚫️ Jorge Mendes trabaja en las condiciones del colombiano, en las que se encuentra una considerable reducción salarial.

?⚪️ #FCPorto sigue de cerca la situación. pic.twitter.com/QD8TrPZ3sI

— Pipe Sierra (@PSierraR) August 2, 2021


Shtuar 3.08.2021 12:19