Vijojnë operacionet e opolicisë për sekuestrimin dhe asgjesimin e lëndëve narkotike. Policia sekuestroi dhe asgjesoi të mërkurën në mbrëmje në fshatin Kthellë e Epërme, të Mirditës 920 rrënjë bimë narkotike, të dyshuara si kanabis sativa.

Burime zyrtare nga drejtoria e policisë e qarkut të Lezhës bënë të ditur se 770 rrënjë bime narkotike u gjetën të mbjella në një parcelë dhe 150 të tjera në një parcelë tjetër në fshatin Kthellë e Eperme, të komunës së Kthellës, në rrethin e Mirditës. Sipas njoftimit zyrtar, zbulimi dhe asgjësimi i këtyre parcelave të mbjella me bimë narkotike u bë si rezultat i monitorimit të territorit me helikopter. /albeu.com/