Lëviznin me drogën në makinë, arrestohen 2 persona në Fier
Policia e Fierit ka arrestuar në flagrancë dy persona, pasi u kapën me lëndë narkotike në makinë.

Sipas uniformave blu në pranga kanë rënë A. P., 50 vjeç, banues në Fier dhe P. R., 55 vjeç, banues në Fier.

Si rezultat i operacionit, në vendin e quajtur “Rotondo e parkut”, Fier, këta shtetas u kapën me automjetin tip “Honday”, duke transportuar 4.5 kg lëndë narkotike të dyshuar cannabis sativa, e paketuar, gati për shitje.

Njoftimi i policisë

Policia ka finalizuar me sukses një tjetër operacion antidrogë, pas një hetimi disa mujor.

Operacioni policor i koduar “Porosia”, për goditjen e veprimtarisë kriminale të prodhimit dhe shitjes së narkotikëve.

Sekuestrohen 4.5 kg lëndë narkotike cannabis sativa, në pranga 2 shtetasit që ushtronin këtë veprimtari kriminale.

Në vijim të punës për parandalimin dhe ndëshkimin e veprimtarisë kriminale në fushën e narkotikëve, nga Seksioni për Hetimin e Narkotikëve në DVP Fier, në bashkëpunim me Prokurorinë e Fierit, pas një hetimi disa mujor, u finalizua me sukses operacioni policor i koduar “Porosia”, gjatë të cilit u bë arrestimi në flagrancë i shtetasve:

-A. P., 50 vjeç, banues në Fier,

-P. R., 55 vjeç, banues në Fier.

Si rezultat i operacionit, në vendin e quajtur “Rotondo e parkut” , Fier, këta shtetas u kapën me automjetin tip “Honday”, duke transportuar 4.5 kg lëndë narkotike të dyshuar cannabis sativa, e paketuar, gati për shitje.

Materialet procedurale i kaluan Prokurorisë pranë Gjykatës së Shkallës së Parë Fier, për veprën penale “Prodhimi dhe shitja e lëndëve narkotike” e kryer në bashkëpunim.

Shtuar më 10/10/2020, ora 12:39

Shkruani komentin tuaj!
Të fundit nga kjo kategori