Në një njoftim për shtyp “Lëvizja Nano” ka sulmuar kryeministrin Berisha, i cili, sipas drejtuesve të kësaj lëvizje, po përdor presidencën e radhës së Këshillit të Europës si sukses personal, duke shmangur në këtë mënyrë, siç thuhet më tej, përgjegjësitë në dështimet e njëpasnjëshme në integrimin e Shqipërisë në BE.

Shefi i qeverisë konsiderohet si përgjegjësi kryesor i krizës ekonomike dhe sociale në Shqipëri. Sipas kësaj lëvizjes, shqiptarët nuk meritojnë një kryeministër të tillë të dështuar, i cili, siç thuhet mes radhëve, vendos pushtetin e tij përballë atij të qytetarëve.

Në përfundim theksohet se kjo lëvizje do të synojë bashkimin e së majtës dhe drejtimin e saj në fitoren e zgjedhjeve të 2013-ës.