“Lamtumirë engjëj të vegjël!” (FOTO-LAJM)

Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Update- “Lamtumirë engjëj të vegjël!” Me këtë mesazh janë përcjellë sot nga Lecco i Italisë drejt Shqipërisë, trupat e pajetë të tre motrave Dobrushi të cilat u vranë nga e ëma Edlira Dobrushi.

Makinat që transportojnë trupat e 3 vajzave u drejtuan drejt Barit, e më pas trupat e Simonës, Keisit dhe Sindit do të përcillen drejt Shqipërisë, pasi varrimi i tyre do të bëhet në Kukës, në vendlindjen e babait të tyre.


11:16- Myslimanë e katoikë janë bashkuar dje për tu lutur dhe për ti dhënë lamtumirën e fundit tre motrave të vrara pak ditë më parë nga nëna e tyre. Qindra persona, mbi të gjitha fëmijë, kanë përshëndetur për herë të fundit tri vajzat, tri motrat që u vranë nga nëna e tyre Edlira Dobrushi.

Bashkia e Lecco-s shpalli ditën e djeshme ditë zie për te nderuar kujtimin e Sidnit, Keisit e Simonës. Në nder të vajzave është hapur që prej mbrëmjes së të mërkurës dhe dhoma e lutjeve për Simonën 13-vjeçare, Keisin 10 vjeçe dhe Sidnin, 3 vjeçe.

Babai i tre vajzave ka shkruar edhe një letër lamtumire ku shpreh dhimbjen e madhe për këtë ngjarje të rëndë dhe mungesën e tyre që do të shoqërojë atë gjatë jetës.


“Të dashura Simona, Keisi e Sindi. Është babai juaj ai që ju shkruan me zemrën të mbytur nga dhimbja. Nuk e kuptoj. Nuk jam ende në gjendje ta bëj, por nuk dua të gjykoj nënën tuaj. Na mungoni të gjithëve, prindërve dhe miqve, neve që nuk kuptuam dhe imagjinuam dot që diçka e tillë mund të ndodhte. Nëpërmjet dhe rreth e rrotull jush shihnim vetëm një dashuri të madhe, dhe mundoheshim të bënim të pamundurën, por kjo nuk mjaftoi. Do të na mungojë gjithçka e juaja. Buzëqeshjet, ëndrrat dhe hareja juaj. Ju lutem të na doni nga qielli. Atje ku jeni tashmë dhe shpresojmë të na falni atë dashuri që ne këtu nuk ditëm t’jua japim. Atë të ardhme që ëndërronit e që nuk mundëm t’jua falim”. Kjo është letra e shkruar nga Bashkim Dobrushi.

Ngjarja e rende ndodhi në Leço gjatë natës duke u gdhirë dita e diel, 9 mars 2014.
Shtuar më 14/03/2014, ora 15:06
Shkruani komentin tuaj!
Të fundit nga kjo kategori
 
Një avion i linjave egjiptiane ka kryer ulje të detyruar në aeroportin e Larnakes në Qipro, në orën 8:46. 

Ai ka liruar te gjithe pasagjeret, por jo ekuipazhin e avionit

Një avion i linjave egjiptiane ka kryer ulje të detyruar në aeroportin e Larnakes në Qipro, në orën 8:46. Ai ka liruar te gjithe pasagjeret, por jo ekuipazhin e avionit