Detaje të reja zbardhen nga atentati e dështuar ditën e djeshme në Lezhë ndaj 42-vjeçarit, Aleksandër Doda, i njohur si “Leksi i druve”.

Bëhet me dije se Aleksandër Deda gjate udhëtimit me makinën e tij është përballur me një breshëri plumbash që vinin nga një automjet tip Audi.

Pas të shtënave ai mori plagë në gjoks dhe menjëherë ka shkuar në Spitalin e Lezhës, por gjatë udhëtimit ai është ndjekur nga një tjetër mjet. Ndërkohë Deda i ka bërë telefonata disa të afërmve, të tij duke iu treguar se çfarë i kishte ndodhur.

I plagosur ai ka mundur te përshkojë distancën afro 15km deri afër spitalit, kohe ku edhe ka humbur sasi të madhe gjaku.

Pas mjekimit që ka marrë nga bluzat e bardha të Lezhës, ai është dërguar menjëherë për në spitalin e Traumës ku edhe ndodhet jashtë rrezikut për jetën.

Policia ka sekuestruar kamerat e sigurisë si dhe ka arrestuar disa persona të dyshuar lidhur me ngjarjen në fjalë.

Pak pas plagosjes, është gjetur një makinë e djegur në rrugën e vjetër drejt Milotit në afërsi të fshatit Pllanë, pranë urës së Matit. Dinamika e ngjarjes çon në dyshimin se kemi të bëjmë me një atentat, ndaj 42-vjeçarit.