Largimi nga PR, Duzha: LSI më ruajti votat, që do m’i vidhte PD
Luan Duzha
Deputeti Luan Duzha, i larguar nga Partia Republikane drejtë Lëvizjes Socialiste për Integrim sqaron arsyet pse u largua nga PR. Deputeti i Elbasanit thotë se PD kishte ndërmend t’i vidhte votat.

“Së pari dua të theksoj se unë, Luan Duzha, duke filluar nga 30 shtatori 2013 do të jep pjese e grupit parlamentar të Partisë Lëvizja Socialiste për Integrim. Sigurisht që ky përbën një lajm të ri për shumë qytetarë, por jo për kryetarin e Partisë Republikane, zotin Mediu dhe përfaqësuesin e partisë demokratike në qarkun e Elbasanit zotin Imami. Pas mbarimit të procesit të votimit, edhe pse unë kisha hequr dorë nga komisionerët në rrethin e Peqinit me kërkesë të zotit Mediu, kërkova që në procesin e numërimit të kisha vëzhguesit e mi, pra të Partisë Republikane, por kjo kërkesë u refuzua nga Partia Demokratike.Kërkova me insistim mbështetjen e kryetarit të PR, zotit Mediu, por ai nuk kishte fuqi pasi zoti Imami nuk pranonte komunikimin me të. I kam kërkuar zotit Mediu, që nëse PD nuk më mbështet dhe kërkon të më vjedhë votat, do të gjeja mundësi të tjera. E ka pranuar dhe më ka thënë që vazhdo të mbrosh votën pasi unë nuk kam mundësi. Kërkova mbështetjen e partisë LSI dhe ata janë treguar të gatshëm që të më ruajnë votën. Pra, jam habitur që ata që nuk donin që unë të isha pjesë e Parlamentit të më duan pjesë të grupit të tyre.Unë nuk mund të jem në një grup me ato që donin të më vidhnin votat, dhe i premtoj të gjithë elektoratit tim se unë do të jem përfaqësues i zërit të tyre në Parlament”, shprehet Duzha. /albeu.com/
Shtuar më 03/10/2013, ora 10:27
Shkruani komentin tuaj!
Të fundit nga kjo kategori