Lëvizja ZGJOHU, miting për 28 Nëntorin në Shkup
Albeu.com
Lëvizja qytetare “Zgjohu” në Maqedoni me rastin e 28 Nëntorit, festës së flamurit kombëtar do të organizojë manifestimin paqësor "Rreth Flamurit të Përbashkuar" në sheshin Skënderbeu në Shkup.Kjo është bërë e ditur për agjencinë e lajmeve INA nga drejtuesit e kësaj lëvizjeje, e cila ka mbështetjen e të gjitha partive politike shqiptare dhe të organizatave joqeveritare.

“Ftojmë qytetarët, që në këtë ditë të shenjtë për kombin shqiptar, ta valojnë flamurin kombëtar në shtëpitë, banesat, lokalet dhe veturat e tyre, ndërsa ato që nuk kanë flamur, mund të drejtohen në zyrën e ZGJOHU”, theksoi zëdhënësja e kësaj lëvizjeje,

Me iniciativë të kësaj organizate është formuar një Trup koordinues në mbrojtje të flamurit dhe i cili është obliguar që të pregadit një Ligj për përdorimin e flamurit, ose ndryshime dhe plotësime të ligjit ekzistues, të cilin do t’ja dorëzojmë deputetëve shqiptar në Parlamentin e Maqedonisë për ta proceduar më tutje.

Ne trupin koordinues marrin pjesë: ZGJOHU!, BDI, BDK, BDSH, PPD, AK, Rufi Osmani, Shoqata e ish të burgosurve dhe të përndjekurve politik, shoqata e historianëve, SHVL UCK, OVL UCK, si dhe shumë vullnetarë të tjerë.
Shtuar më 24/11/2007, ora 17:31
Tage: arkiv
Shkruani komentin tuaj!
Të fundit nga kjo kategori