Lajme të mira nga Italia, ulet ndjeshëm numri i rasteve të reja
Italia ka regjistruar një rënie të numrit të rasteve të reja me koronavirus.

Sipas Worldometers, gjatë 24 orëve të fundit vendi ka konfirmuar 1.350 raste të reja, rreth 230 raste më pak se një ditë më parë.

Ndërkohë, sa i përket numrit të vdekjeve, ka një rritje të lehtë në krahasim me ditën e djeshme. Dje u regjistruan 15 viktima, ndërsa sot janë konfirmuar 17.

Deri më tani, në Itali janë regjistruar gjithsej rreth 300 mijë raste pozitive me Covid-19 dhe 35.724 viktima. Aktualisht, në vend janë ende 45.079 raste aktive.

Më shumë se 31 milionë njerëz nga e gjithë bota janë prekur nga koronavirusi, ndërsa mbi 966 mijë persona kanë humbur jetën.
Shtuar më 21/09/2020, ora 19:21

Shkruani komentin tuaj!
Të fundit nga kjo kategori