Kuvendi shqiptar miraton ngritjen e Komisionit për Reformën Zgjedhore
Albeu.com
Kuvendi miratoi ngritjen e Komisionit të posaçëm parlamentare për Reformën Zgjedhore.Ai që do të ketë në përbërjen e tij 18 anëtarë, nga të cilët 9 deputetë të mazhorancës dhe 9 të opozitës. Komisioni u ngrit me 89 vota pro, 3 kundër, 5 abstenime, ndërsa 4 deputetë nuk morën pjesë në votim. Ngritja e Komisionit parlamentar për Reformën Zgjedhore u arrit pas mbledhjes së Konferencës së Kryetarëve, ku partitë dhe grupet parlamentare propozuan emrat përkatës që do t'i përfaqësojnë në këtë komision. Duke bërë të njohur para deputetëve projekt-vendimin për ngritjen e komisionit, Kryetarja e Kuvendit, Jozefina Topalli, tha se "në bazë të marrëveshjes së arritur komisioni do të përbëhet nga 3 deputetë të PD, 3 deputetë të PS, me nga dy deputetë secila do të përfaqësohen LSI, PSD, PR dhe grupi parlamentar reformator-demokristian, ndërsa me nga një deputet secila do të përfaqësohen PAD, PDS, PAA si dhe grupi parlamentar Qendra Demokrate". Komisioni parlamentar për Reformën Zgjedhore do të ketë një kohëzgjatje prej 3 muajsh dhe vendimmarrja në të do të realizohet me shumicë votash, kur deputetët e dy partive të mëdha, anëtarë të komisionit do të votojnë në unanimitet. Gazeta Start
Shtuar më 18/05/2006, ora 18:05
Tage: arkiv

Shkruani komentin tuaj!
Të fundit nga kjo kategori