Kush i vrau shokët e Sokol Olldashit
Kreshnik Spahiu
Unë nuk kam besuar kurrë që Sokol Olldashi është vrarë. Kam qenë kundër spekulimeve mbi një atentat dhe kam besuar versionin e aksidentit.

Unë Sokolin dhe miqtë e tij i kam pasur rival politik dhe madje jam sulmuar ashpër nga grupi i tij.

Kishim një miqēsi familjare me Sokolin dhe njerzit e tij të afërt por ata nuk e kapërdin dot lëvizjen kuqezi dhe protestat që unë organizova për të rrëzuar Berishën nga pushteti.

Ata nuk patën forcën që të ndajnë miqësinë personale dhe ndarjet ideologjike por unë dua ti hedh pas të gjitha sharjet dhe të jem sot ngushullues në funeralin kolektiv.

Ata dje u vranë më keq se Sokol Olldashi, pasi u hodhën si kufoma në mes të rrugës që ti shqyejnë egërsirat dhe ti mbuloi balta, mbi të cilën duhet të mbijë Luzimi i familjes Berisha.

I ndjeri miku dhe kundërshtari im Sokol Olldashi, sot bisha vrau çdokënd që të qëndroi pranë. Dikur u kacafytëm së bashku se ti e mbrojte me gjoksin tënd por besprerja dhe mos-mirnjohja ka pushtuar tokën ku prehesh.

5 vjet më parë ike i vetëm por sot të gjithë ata janë viktima të besnikërisë tënde. I këputi një e nga një ashtu siç e kan zakon ai, në pritën e tradhtarit.

Ngushullime Sokol Olldashi për vrasjen e:
1- Arben Ristanit
2- Leonard Ollit
3- Klevis Krujes
4- Jozefina Topallit
5- Arben Imamit
6- Ridvan Bodes
7- Mesila Dodës
8- Genc Rulit
9- Sherefedin Shehut
10- Astrit Patozit
11- Majlinda Bregut
12- Zana Guxhollit
13- Edit Harxhit
.......etj etj etj
Më vjen keq që lista funerale është shumë më e gjatë dhe që të gjithë të vrarë në kulmin e karierës. U vranë jo nga armiku por nga krye-miku me thik pas shpine.

U vranë atëherë kur opozita duhet bashkohej dhe jo të coptohej. Ata s’ishin miqtë e mi por besonin fort tek ti. Ende nuk e dim mirë si vdiqe ti, por jemi të sigurtë që shokët e tu u eleminuan dhe u vranë politikisht vetëm se nuk të harruan ty.

Lamtumirë kundërshtari im i vjetër!
Sokol Olldashi nuk je vetëm.
Shtuar më 19/01/2019, ora 16:28
Shkruani komentin tuaj!
Të fundit nga kjo kategori