"Kush fiton qeveris, kush humb rri...", Rama intervistë në Rai News
Kryeministri Edi Rama ka përsëritur sërish se nuk ka ndërmend të japë dorëheqjen dhe ata që fitojnë do të qeverisin ndërsa humbësit do të rrinë në opozitë.

Në një intervistë për median italiane Rai News, kreu i qeverisë i është përgjigjur interesimit të gazetares lidhur me djegien e mandatave, protestën e opozitës, protestën e studentëve, si dhe për Reformën në Drejtësi.

Pyetjes së çfarë do të bëjë tani që opozita nuk është më në Kuvend pas dorëzimit të mandateve, Rama shprehet:

“Ne kemi bërë një qeveri së bashku për të pasur zgjedhje të njohura nga të gjithë por me një kusht, kush fiton qeveris, kush humb rri në opozitë dhe mjaft të flitet keq për Shqipërinë dhe të kontestohen zgjedhjet. Ne kemi maxhorancën, jemi përpara në të gjitha sondazhet në një mënyrë ekzemplare, nuk mund, nuk mund të merret peng një komunitet dhe të thuash unë do bëj kamikazin nëse nuk më jepni atë që dua. Jemi gjithmonë gati për të dialoguar, jemi gati të dëgjojmë por sigurisht që duhet të qeverisim”. /albeu.com/
Shtuar më 23/02/2019, ora 13:28
Shkruani komentin tuaj!
Të fundit nga kjo kategori