Një oficer policie në SHBA po konsiderohet si hero për shkak të rolit të tij gjatë trazirave me 5 të vdekur në Capitol. BBC raporton se ai ia doli të menaxhojë turmat, duke i drejtuar vetëm përmes duarve për t’i mbajtur larg Senatit.

Në pamjet e publikuara nga mediat amerikane, oficeri i identifikuar si Eugene Goodman, shfaqet disa hapa përpara turmës që e ndjek. Goodman shihet më pas duke hedhur një vështrim drejt hyrjes së Senatit përpara se të tërheqë protestuesit në një tjetër drejtim.

Officer Eugene Goodman stopped a mob of white rioters from entering the chambers of the United States Senate.

At this perilous moment in our nation’s history, he was the one person standing between democracy and the rule of tyrants.

(Photo Credit: New York Times) pic.twitter.com/vTjvVp9SLe

— Christopher J. Hale (@chrisjollyhale) January 10, 2021

Goodman që u vlerësua për zotësinë e tij, thuhet se është një veteran i ushtrisë që ka kaluar kohë në Irak. Vlerësimet vijnë në mes të kritikave ndaj policisë së Capitol-it për dështimin e dukshëm të mbrojtjes së ndërtesës.

Në videon e xhiruar nga reporteri i Huffington Post, Igor Bobic, Goodman, që është me ngjyrë ka përballë një grup mbështetësish të Trump, që janë të gjithë të bardhë.