Kush është oficeri i katërt që kërkon prokuroria
Prokuroria për Krimet e Rënda ka lëshuar të mërkurën pasdite urdhër-arreste për disa ish-drejtues të lartë të Policisë së Shtetit.

Një mesazh i ardhur në celularin e drejtuesit të emisionit Opinion, Blendi Fevziu, i cili bënte me dije se Krimet e Rënda kanë lëshuar urdhër-arreste për katër persona, por njëri nuk është publikuar.

Krimet e Rënda thanë se ata dyshohen si të përfshirë në organizata krimanale të trafikut të lëndëve narkotike.

Mësohet se pritet të arrestohet ish-drejtori i Policisë së Vlorës, Jaeld Çela, ish-shefi i Kufirit Sokol Bode dhe Gjergji Kohila, shefi i krimit të organizuar në Policinë e Vlorës.

Urdhër-arrestet bazohen në hetimet që ka kryer Prokuroria e Krimeve të Rënda në lidhje me dosjen Habilaj, ku rezulton i përfshirë edhe ish-ministri i Brendshëm, Saimir Tahiri.

Këto urdhër-arreste kanë mbërritur në polici dhe pritet ekzekutimi i tyre. /albeu.com/

Shtuar më 22/11/2017, ora 22:58

Shkruani komentin tuaj!
Të fundit nga kjo kategori