Real Madridi mposht minimalisht Granadan, Uzuni luan 80 minuta (VIDEO)

 

Real Madridi ka arritur të mposhtë minimalisht Granadan në Santiago Bernabeu në kuadër të javës së 23 të La Liga-s.

“Galaktikët” ishin pa dy sulmuesit kreysor të këtij sezoni, Benzema dhe Vinicius me Ancelottin që vendosi ta nisë ndeshjen me Iscon si qendërsulmues.

Në krahun tjetër titullar ishte Myrto Uzuni, i cili iu afrua golit në pjesën e parë, por u tregua i pasaktë përballë Courtois.

Pjesa e parë do të mbyllej në barazim pa gola, ndërsa në të dytën Reali e rrit më shumë presionin  pasi në lojë u futën, Valverde, Hazard dhe Jovic.

Ndeshja do të zhbllokohej në minutën e 74 me anësorin Marco Asensio, i cili di të shënojë vetëm super gola.

Ky do të ishte edhe goli i vetëm i kësaj ndeshje, që i jep Realit 3 pikë të rëndësishme që e shkëpusin nga vendi i dytë më 6 pikë. Granada në krahun tjëtër vazhdon ti afrohet zonës së rrezikut pasi renditet në vendin e 16 . /albeu.com

 


Shtuar 6.02.2022 23:25