Presidenca ka reaguar në lidhje me akuzat e kryeministrit Berisha për shkelje të Kushtetutës nga ana e Presidentit të republikës. Këshilltari i presidentit Afrim Krasniqi i cilësoi ato si të pabaza.

Sipas tij çështja e zgjedhjes së nënkryetarit të KLD-së është ligjore ndërsa sulmet ndaj presidentit të vendit, janë anti integruese. Krasniqi akuzoi kryeministrin se me keto deklarata shpalli publikisht synimin për të marrë nënkryetarin e KLD-së. Krasniqi theksoi se ata që po shkelin kushtetutën janë qeveritarët dhe kryeministri me emërime antikushtetuese në ushtri e duke firmosur marrëveshje për kufirin detar të cilat janë rrëzuar nga gjykata Kushtetuese. /albeu.com/