Kulla: Ambasadori Lu po na trajton si Republikë ananasi!
Analisti Ilir Kulla, i ftuar këtë mbrëmje në “Tonight” me Ilva Tare është shprehur se mendon se Shqipëria trajtohet si republikë bananesh dhe ananasi.

“Ambasadori i ra publikisht Prokurorit të Përgjithshëm”, është shprehur Kulla gjatë emisionit ku është diskutuar çështja e heqjes së vizave të 23 prokurorëve dhe gjyqtarëve shqiptarë.

“Është e turpshme që Shqipëria 104 vjet shtet dhe vend anëtar i NATO-s, trajtohet si Republikë bananesh dhe ananasi. Gramoz Ruçit në vitin 2004 ju anulua publikisht viza dhe kryeministri i asaj kohe shkoi dhe e kërkoi zyrtarisht vizën dhe ju dha. Këto janë marrëdhënie shtetërore”, ka vijuar ai.

I pyetur: “Mendon që vendimet e ambasadës së SHBA-ve janë vendime të Donald Lu dhe nuk janë të koordinuara me Departamentin e Shtetit”, Kulla është përgjigjur:

“Jo vetëm që e mendoj por edhe e di këtë gjë. OK?! Në qoftë se ambasadori amerikan i ka shkruar një letër Prokurorit të Përgjithshëm në emër të qeverisë amerikane, unë nga ky ambasador pres shumë gjëra. Pres gjithçka! Mua më lind dyshim i fortë se ai ka qenë qëndrim individual i tij dhe do ta konfirmojmë javët e ardhshme”. /albeu.com/
Shtuar më 06/02/2017, ora 22:53

Shkruani komentin tuaj!
Të fundit nga kjo kategori