Ish- zyrtari i Bashkisë Kamëz: Jemi në kushtet e grushtit të shtetit
Ditën e sotme Rakip Suli ka marrë zyrtarisht postin e kryetarit të Bashkisë Kamëz. Në fjalën e tij, Suli tha se kjo ditë shënon një moment kthese për Bashkinë Kamëz, duke mos kursyer ironitë për ish kreun Xhelal Mziu.

Në anën tjetër, Xhelal Mziu është shprehur se nuk do ta lirojë zyrën. Ai i ka bërë thirrje të gjithë demokratëve të dalin në protestë, por duket se ata nuk i janë përgjigjur, duke mos u grumbulluar para bashkisë.

Gjithashtu dhe nënkryetari në ikje i Bashkisë së Kamzës, Tomorr Kotarja tha se sot jemi në kushtet e një grushti shteti të qeverisjes lokale dhe lidhur me këtë do përgjigjen organet e drejtësisë.

"30 qershori ishte nul. Ju shikoni sot një mbështetje të qytetarëve që janë të revoltuar. kemi edhe një dekret të presidentit i cili provon legjitimitetin e mandatit të Mziut. Sot në uzurpimin e institucioneve jemi më të dhunuar se kurrë. Sot është asgjësuar demokracia, ajo për të cilën shqiptarët luftuan për 30 vjet. Unë nuk njoh asnjë kryetar ilegjitim. Mandati legjitimohet vetëm me një proces ku marrin pjesë të gjithë partitë. Ky shtet ka dalë nga binarët kushtetuese. Qytetarët nuk e mjaftojnë këtë farsë. Unë uroj që kryeministri i cili e ka për detyrë, të kthejë edhe njëherë demokracinë. Të shkojë atje ku do qytetari. PD dhe zyrtarët e saj janë në fushatë për t'i sjellë Shqipërisë esencën e qeverisë. Grushtet e shtetit janë të njohura. Sot ka një grusht shteti të qeverisjes lokale. Në kushtet e një grushti shteti do i drejtohemi organeve të drejtësisë", tha Kotarja.

Shtuar më 07/08/2019, ora 14:34

Shkruani komentin tuaj!
Të fundit nga kjo kategori