Kryeministri Dimitriev qorton Ramën: Socialist që nxit nacionalizëm
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Teksa kolegu im nga Shqipëria nxjerr “nga doreza” skenarë për bashkimin e Shqipërisë dhe Kosovës, teksa dështon integrimi evropian i shteteve të rajonit, avokatët e tij kujdestarë tentojnë ta arsyetojnë me tezën se fakti që Rama kërkon pikë para zgjedhjeve në vendin e tij përmes përzierjes brutale në proceset e Maqedonisë kanë qenë të “natyrës miqësore”, është shprehur kryeministri teknik Emil Dimitriev në profilin e tij.

“Çfarë papërgjegjësie nga një socialist i cili haptazi nxit nacionalizëm. Përderisa ekziston huti tek politikanët në fqinjësi nëse duan të mbështesin frymë miqësore në rajon ose jo, dua t’i porosis se ne, të ardhmen e Maqedonisë e shohim në BE dhe nuk kemi dilemë lidhur me këtë prioritet strategjik. Deklaratat e këtilla nuk janë në favor të fqinjësisë së mirë dhe ndërtimit të raporteve miqësore. Përkundrazi, hedhin benzinë në zjarr i cili qëndron ndezur dhe nxit ndjenjat nacionaliste tek të gjithë në mënyrë individuale. Madje edhe BE nuk ka dilemë se e ardhmja e shteteve të rajonit është në BE”, ka thënë ndër të tjera Dimitriev.

Sipas kryeministrit teknik, kurrfarë planifikimi territorial, bashkim ose ndarje nuk është në drejtim të stabilitetit ose qetësisë më të madhe.

“Çdo shtet nga rajoni është shtet sovran ndërsa synimi kryesor duhet të jetë rritja e standardit të qytetarëve, në kufijtë personal. E ardhmja e rajonit nuk është në bashkimin e dy shteteve apo më shumë territoreve, por e ardhmja është në bashkimin e të gjithë rreth vlerave evropiane në BE” shton Dimitriev. /albeu.com/
Shtuar më 21/04/2017, ora 18:20
Shkruani komentin tuaj!
Të fundit nga kjo kategori